~~META:
title = Сяргей Грахоўскі — Ветразь
&keywords = ветразь
&abstract = Чытаць верш "Ветразь" Сяргея Грахоўскага
&iftrue = nan
~~

====== Сяргей Грахоўскі — Ветразь ======
У выраі ветразь знікае\\
За хваляй, нібы на спачын,\\
І змора яго не злякае,\\
Не спыніць тугой далячынь.\\
\\
У змроку зіхоткая здрада\\
Завабіць хлуснёй у віры,\\
На золку сканае прынада\\
І кволы прамень на жвіры.\\
\\
Раптоўна згаданыя мроі\\
У карунках пяшчотнай тугі\\
Павольна знікаюць, як строі,\\
У бязважкасці кволай смугі.\\
\\
Знікае ўсхвалёваны ветразь:\\
З кунегаю пільна сачу,\\
Як водар аздобіў паветра,\\
І ў бездані знічкі лічу.

 


===== Падобныя старонкі =====
  * [[творы/сяргей-грахоўскі/сяргей-грахоўскі-стары-млын]]
  * [[творы/сяргей-грахоўскі/сяргей-грахоўскі-прызнанне]]
  * [[творы/сяргей-грахоўскі/сяргей-грахоўскі-чалавеку-патрэбна-не-сл]]
  * [[постаці/сяргей-грахоўскі]]
  * [[творы/сяргей-грахоўскі/сяргей-грахоўскі-мама]]