~~META:
title = Сяргей Грахоўскі — Вераснёвы цвет
&keywords = жураўліы, клін, свет
&abstract = Чытаць верш Сяргея Грахоўскага "Вераснёвы цвет"
&iftrue = nan
~~

====== Сяргей Грахоўскі — Вераснёвы цвет ======
І верасень яшчэ зялёны,\\
Трава замглёная ледзь-ледзь,\\
Павольна сонечныя клёны\\
Чаканяць золата і медзь.\\
\\
Замоўкла ўсё, як таямніца,\\
І патанула ў цішыню,\\
Гарчанкай позняй дыміцца\\
Іскрынка дальняга агню.\\
\\
У голым полі – анікога,\\
Буяе верасовы цвет,\\
І пасівелая дарога\\
Вядзе кудысьці ў белы свет.\\
\\
Стаю адзін на раздарожжы,\\
Праводжу жураўліны клін,\\
І зачароўвае прыгожы\\
Куст кармазынавых калін.\\
\\
За лістам ліст ляціць на плечы,\\
Запахла водарам раллі…\\
Вясну і новыя сустрэчы\\
І мне прарочаць жураўлі.\\
\\
2002

 


===== Падобныя старонкі =====
  * [[творы/сяргей-грахоўскі/сяргей-грахоўскі-стары-млын]]
  * [[постаці/сяргей-грахоўскі]]
  * [[творы/сяргей-грахоўскі/сяргей-грахоўскі-мама]]
  * [[творы/сяргей-грахоўскі/сяргей-грахоўскі-прызнанне]]
  * [[творы/сяргей-грахоўскі/сяргей-грахоўскі-чалавеку-патрэбна-не-сл]]