~~META:
title = Сяргей Грахоўскі — Варона без трона
&keywords = варона, карона, трон
&abstract = Чытаць верш для дзяцей "Варона без трона" Сяргея Грахоўскага
&iftrue = nan
~~

====== Сяргей Грахоўскі — Варона без трона ======
Горка каркала варона:\\
«І ў мяне была карона,\\
Я царыцаю была,\\
Смачна ела і піла,\\
Заняла высокі трон,\\
Мне служыла сто ва-рр-он,\\
Трр-ыста трр-ыццаць варр-анят\\
Дастаўлялі курр-анят\\
На р-рулет і на жарр-кое,\\
І віно цякло рр-акою,\\
А марр-ожанага горр-ы\\
Замярр-залі ў калідорр-ы,\\
Я жыла ў сваім палацы\\
І не думала аб працы.\\
Ды прр-айшло з тае парр-ы\\
РР-оўна трр-ыста трр-ыццадь трр-ы\\
Неспакойныя гады,\\
Як прр-ыбілася сюды,\\
Бо паслухалася галку\\
I лятаю вось на звалку.\\
Тут суседзі і суседкі\\
Ўсе ваююць за аб’едкі,\\
А прр-ажэрр-лівы крр-умкач\\
Не дае дыхнуць, хоць плач.\\
Ён ад прр-агі і ад злосці\\
Выдзірр-ае з горр-ла косці.\\
І малыя крумкачы\\
Так дзяўбуць, хоць гвалт крр-ычы...»\\
\\
Перабіў шчыгол варону:\\
«Дзе ж ты страціла карону?»\\
\\
«Доўгая была марр-ока:\\
Падвяла мяне сарр-ока.\\
Часта я яе карр-ала,\\
Дык яна карр-ону ўкрр-ала,\\
А царр-ыцу без карр-оны\\
Не шануюць больш варр-оны.\\
Прра-ва-рр-оніла ка-рро-ну,\\
І прр-агналі служкі с трр-ону,\\
Занялі мае палацы\\
I са мной не хочуць знацца.\\
Поўна ў іх свае р-р-абоы:\\
Ва-рр-анятам шыюць боты,\\
А галоўны Во-рр-ан муд-рр-ы\\
Вы-рр-абляс доб-рр-а фут-рр-ы,\\
I зімою сам для жонкі\\
Шые цёплые дублёнкі.\\
Усе ца-рр-ьшы і ца-рр-ы\\
Пазляталі да па-рр-ы.\\
Вось і я цяпе-рр без т-рр-она,\\
П-рр-оста чо-рр-ная ва-рр-она».

 


===== Падобныя старонкі =====
  * [[творы/янка-брыль/раман-янкі-брыля-птушкі-і-гнёзды-вобраз-]]
  * [[творы/янка-брыль/птушкі-i-гнёзды-гнёзды-за-дымам-аповесць]]
  * [[творы/янка-брыль/увесь-свет-адзін-дом-па-раману-янкі-брыл]]
  * [[творы/янка-брыль/птушкі-i-гнёзды-сцюдзёны-вырай-аповесць-]]
  * [[ibdc.ped>птушкі-шчасця]]