~~META:
title = Станіслаў Шушкевіч — Павучок-мухаед
&keywords = павук, муха
&abstract = Чытаць верш "Павучок-мухаед" Станіслава Шушкевіча
&iftrue = nan
~~

====== Станіслаў Шушкевіч — Павучок-мухаед ======
Павучок-мухаед\\
Злавіў муху на абед.\\
Просіць муха павука,\\
Ненажэру-крыжака:\\
\\
– Адпусці, не вяжы,\\
Дай на свеце пажыць!\\
Ой, не рві ты, павук,\\
Маіх тоненькіх рук.\\
Не цягні за касу,\\
Не губі маю красу.\\
I не рэж, не катуй,\\
Весялушку пашкадуй.\\
Дзі-дзі-дзі! Дзі-дзі-дзі!\\
Ад мяне ты адыдзі.\\
\\
Точыць нож павук,\\
Аж сагнуўся ў крук.\\
Муха скокнула –-\\
Вязка лопнула,\\
Аглянуўся мухаед –\\
Паляцеў яго абед.\\
\\
1957

 


===== Падобныя старонкі =====
  * [[творы/станіслаў-шушкевіч/станіслаў-шушкевіч-па-лісточку-поўзаў-см]]
  * [[творы/станіслаў-шушкевіч/станіслаў-шушкевіч-верабейка]]
  * [[творы/станіслаў-шушкевіч/станіслаў-шушкевіч-знатныя-лісічкі]]
  * [[творы/станіслаў-шушкевіч/станіслаў-шушкевіч-свавольнікі]]
  * [[творы/станіслаў-шушкевіч/станіслаў-шушкевіч-камарык]]