~~META:
title = Станіслаў Шушкевіч — Не магу жыць без Радзімы
&keywords = парэчкі, суніцы, рэчкі
&abstract = Чытаць верш Станіслава Шушкевіча "Не магу жыць без Радзімы"
&iftrue = nan
~~

====== Станіслаў Шушкевіч — Не магу жыць без Радзімы ======
У дуброве, каля рэчкі,\\
Віснуць сочныя парэчкі,\\
У пералеску, ля крыніцы,\\
Ззяюць спелыя суніцы.\\
\\
І вясной, і цёплым летам\\
Тут наўкола многа кветак.\\
Нівы жыта і пшаніцы,\\
У стаўку вада іскрыцца.\\
\\
Журавель з вядром, калодзеж…\\
Дзе ж такое месца знойдзеш?\\
Ну, куды ж пайсці, падацца,\\
Па якой прайсці мне кладцы?\\
\\
Хараство, куды ні глянеш,\\
Ад світання да змяркання.\\
І парэчкі – каля рэчкі,\\
І суніцы – ля крыніцы…\\
\\
Без цябе жыць немагчыма,\\
Мая любая Радзіма!

 


===== Падобныя старонкі =====
  * [[творы/станіслаў-шушкевіч/станіслаў-шушкевіч-камарык]]
  * [[творы/станіслаў-шушкевіч/станіслаў-шушкевіч-свавольнікі]]
  * [[творы/станіслаў-шушкевіч/станіслаў-шушкевіч-верабейка]]
  * [[творы/станіслаў-шушкевіч/станіслаў-шушкевіч-па-лісточку-поўзаў-см]]
  * [[творы/станіслаў-шушкевіч/станіслаў-шушкевіч-знатныя-лісічкі]]