~~META:
title = Станіслаў Шушкевіч — Козачка-свавольніца
&keywords = козачка
&abstract = Верш Станіслава Шушкевіча "Козачка-свавольніца"
&iftrue = nan
~~

====== Станіслаў Шушкевіч — Козачка-свавольніца ======
За дзяўчынкай гоніцца\\
Козачка-свавольніца.\\
Рожкамі кальнула,\\
Хвосцікам махнула.\\
Гайсанула цераз плот\\
У зялёны агарод.\\
Пэўна, ёй да густу\\
Морква і капуста?\\
Агароднік пужкай\\
Выгнаў валацужку.\\
Пыл з-пад ножак курыцца,\\
Як пабегла вуліцай.\\
Нібы зайчык, скача,\\
Гоніць гусак, качак.\\
– Ах ты, непаслушніца! –\\
Кажа цётка-птушніца.\\
Вось табе і «мэ-ка-ка» –\\
Пухне ў козачкі шчака.

 


===== Падобныя старонкі =====
  * [[творы/станіслаў-шушкевіч/станіслаў-шушкевіч-свавольнікі]]
  * [[творы/станіслаў-шушкевіч/станіслаў-шушкевіч-знатныя-лісічкі]]
  * [[творы/станіслаў-шушкевіч/станіслаў-шушкевіч-па-лісточку-поўзаў-см]]
  * [[творы/станіслаў-шушкевіч/станіслаў-шушкевіч-верабейка]]
  * [[творы/станіслаў-шушкевіч/станіслаў-шушкевіч-камарык]]