Камарыку ладачкі,
Ён зваліўся з кладачкі.
Давялося балазе
Стракатлівай страказе
Камарыка ратаваць,
З быстрай рэчкі даставаць.
Каб не мелкая вада,
З камаром была б бяда.
Сеў камарык на траве,
Як заплача, зараве:
– Ой, замокла кашуля,
Будзе лаяць бабуля,
Мой касцюмчык, як сажа,
Што матуля мне скажа?
Ладкі, ладкі, ладачкі,
Больш не падай з кладачкі.
Нашто плакаць і енчыць?..
Кладка мела парэнчы,
Не трымаўся, сваволіў…
Годзе плакаць, даволі!

1957

• станіслаў-шушкевіч/станіслаў-шушкевіч-знатныя-лісічкі
• станіслаў-шушкевіч/станіслаў-шушкевіч-верабейка
• станіслаў-шушкевіч/станіслаў-шушкевіч-па-лісточку-поўзаў-см
• станіслаў-шушкевіч/станіслаў-шушкевіч-свавольнікі
• станіслаў-шушкевіч/станіслаў-шушкевіч-ягня