~~META:
title = Станіслаў Шушкевіч — Знатныя лісічкі
&keywords = лісічкі
&abstract = Чытаць верш "Знатныя лісічкі" Станіслава Шушкевіча
&iftrue = nan
~~

====== Станіслаў Шушкевіч — Знатныя лісічкі ======
Важны грыб баравік\\
Кпіць з маленькіх прывык:\\
– Танканогія лісічкі,\\
У вас танныя спаднічкі,\\
Як на смех капелюшы!\\
Вы крывулькі-малышы!\\
Хто нагнаў на вас спалох?!\\
Вы чаму залезлі ў мох?!\\
Паднялі лісічкі рыльцы:\\
– Мы з лісой аднафамільцы...\\
Хоць ты, брацік, ганарлівы,\\
А зірнеш – увесь чарвівы,\\
Нас баіцца злы чарвяк,\\
Не кранае аніяк.\\
Ты закрый, крыклівец, рот,\\
Між грыбоў мы знатны род.\\
У нас тоненькія ножкі,\\
У нас жоўтыя панчошкі,\\
У нас жоўтыя спаднічкі,\\
Мы вясёлыя сястрычкі.\\
\\
1957

 


===== Падобныя старонкі =====
  * [[творы/станіслаў-шушкевіч/станіслаў-шушкевіч-свавольнікі]]
  * [[творы/станіслаў-шушкевіч/станіслаў-шушкевіч-ягня]]
  * [[творы/станіслаў-шушкевіч/станіслаў-шушкевіч-па-лісточку-поўзаў-см]]
  * [[творы/станіслаў-шушкевіч/станіслаў-шушкевіч-камарык]]
  * [[творы/станіслаў-шушкевіч/станіслаў-шушкевіч-верабейка]]