~~META:
title = Станіслаў Шушкевіч — Зазімак
&keywords = зазімак, двары
&abstract = Чытаць верш Станіслава Шушкевіча "Зазімак"
&iftrue = nan
~~

====== Станіслаў Шушкевіч — Зазімак ======
Ізноў зазімак на двары,\\
Лядком пакрыта лужына.\\
Б’е дзяцел дзюбай па кары\\
І паглядае спуджана.\\
\\
Ён рад, што дождж не лье цяпер,\\
Што белая ваколіца,\\
Наставіў чубік, як каўнер,\\
Працуе і не томіцца.\\
\\
Дзятве не ўседзець у двары,\\
Бо вабіць сцежка слізкая,\\
I гоняць саначкі з гары,\\
Аж іскры з грудаў бліскаюць.\\
\\
Прыйшоў зазімак. Ціха лёг,\\
Нязваны і няпрошаны.\\
Над ярам хіліцца быльнёг,\\
Як пухам запарошаны.

 


===== Падобныя старонкі =====
  * [[творы/станіслаў-шушкевіч/станіслаў-шушкевіч-свавольнікі]]
  * [[творы/станіслаў-шушкевіч/станіслаў-шушкевіч-знатныя-лісічкі]]
  * [[творы/станіслаў-шушкевіч/станіслаў-шушкевіч-па-лісточку-поўзаў-см]]
  * [[творы/станіслаў-шушкевіч/станіслаў-шушкевіч-верабейка]]
  * [[творы/станіслаў-шушкевіч/станіслаў-шушкевіч-камарык]]