~~META:
title = Станіслаў Шушкевіч — Дзеці і зіма
&keywords = багун, папараць
&abstract = Чытаць верш Станіслава Шушкевіча "Дзеці і зіма"
&iftrue = nan
~~

====== Станіслаў Шушкевіч — Дзеці і зіма ======
Да цябе прыбеглі гуртам мы,\\
У цябе пытаемся, у зімы:\\
– Ты куды падзела кветкі і мурог,\\
Ты куды схавала дзеразу і мох?\\
Ты чаму заснежыла поле і лясы,\\
Дзе багун і папараць, верасы?\\
– Ах, мае вы смешныя! Так, як вы,\\
Не кранала кветак я і травы,\\
Не зрывала папараць і багун:\\
Я усё ад холаду берагу.\\
Кветкам і травіцы сняцца сны –\\
Я прыкрыла шчыльна іх да вясны,\\
Ткала коўдру белую я сама...\\
Пэўна, у вас пытанняў больш няма?

 


===== Падобныя старонкі =====
  * [[творы/станіслаў-шушкевіч/станіслаў-шушкевіч-свавольнікі]]
  * [[творы/станіслаў-шушкевіч/станіслаў-шушкевіч-верабейка]]
  * [[творы/станіслаў-шушкевіч/станіслаў-шушкевіч-па-лісточку-поўзаў-см]]
  * [[творы/станіслаў-шушкевіч/станіслаў-шушкевіч-знатныя-лісічкі]]
  * [[творы/станіслаў-шушкевіч/станіслаў-шушкевіч-камарык]]