~~META:
title = Станіслаў Шушкевіч — Бабровы млын
&keywords = бабёр, хамяк, млын
&abstract = Чытаць верш Станіслава Шушкевіча "Бабровы млын"
&iftrue = nan
~~

====== Станіслаў Шушкевіч — Бабровы млын ======
У затоцы жыў бабёр,\\
Жыта ён у жорнах цёр.\\
У бабровы млын на рэчку\\
Вёз хамяк пшаніцу, грэчку,\\
Вёз ён логам ды заграз\\
Каля грэбелькі якраз.\\
Выйшаў з млына, з-пад гары\\
Кум-бабёр, млынар стары,\\
I смяецца, што хамяк\\
Воз не зрушыць аніяк.\\
I смяецца, што не змог\\
Ён аб’ехаць мокры лог.\\
Млын грукоча: так-так-так...\\
Дзе ж падзеўся наш хамяк?\\
Па гразі хамяк туп-туп,\\
Без мукі ён і без круп.\\
\\
1957

 


===== Падобныя старонкі =====
  * [[творы/станіслаў-шушкевіч/станіслаў-шушкевіч-верабейка]]
  * [[творы/станіслаў-шушкевіч/станіслаў-шушкевіч-камарык]]
  * [[творы/станіслаў-шушкевіч/станіслаў-шушкевіч-свавольнікі]]
  * [[творы/станіслаў-шушкевіч/станіслаў-шушкевіч-па-лісточку-поўзаў-см]]
  * [[творы/станіслаў-шушкевіч/станіслаў-шушкевіч-знатныя-лісічкі]]