~~META:
title = Станіслаў Шушкевіч — Агарод
&keywords = бабка, поле, боб, унук
&abstract = Верш Станіслава Шушкевіча "Агарод"
&iftrue = nan
~~

====== Станіслаў Шушкевіч — Агарод ======
Выцірала бабка пот,\\
Даглядала агарод:\\
І фасольку-спавітушку,\\
І пятрушку, і чарнушку,\\
Рэпу, рэдзьку, буракі.\\
Мак, салату, агуркі,\\
І капусту, і укроп,\\
Часначок, цыбулю, боб,\\
Гарбузы і памідоры.\\
У сторой работы – горы!\\
Працаваць адной – дакука,\\
Кліча бабка ўнучку, унука –\\
І палоць, і паліваць,\\
Прарываць і аграбаць.\\
Замест працы ўнучка ручкай\\
Цап за рэпку, цап за бручку...\\
Пастаяў, як цецярук,\\
У баку ад бабкі ўнук,\\
Сеў на градку – не відзён,\\
Боб і мак латошыць ён\\
Бабка поле, аграбае,\\
Ўнук у поле паглядае...\\
– І памочнікі ж унукі! –\\
Пацірае бабка рукі.

 


===== Падобныя старонкі =====
  * [[творы/станіслаў-шушкевіч/станіслаў-шушкевіч-свавольнікі]]
  * [[творы/станіслаў-шушкевіч/станіслаў-шушкевіч-па-лісточку-поўзаў-см]]
  * [[творы/станіслаў-шушкевіч/станіслаў-шушкевіч-верабейка]]
  * [[творы/станіслаў-шушкевіч/станіслаў-шушкевіч-камарык]]
  * [[творы/станіслаў-шушкевіч/станіслаў-шушкевіч-знатныя-лісічкі]]