~~META:
title = Рыгор Ігнаценка — Лета надламалася
&keywords = лета
&abstract = Чытаць замалёўку Рыгора Ігнаценкі "Лета надламалася"
&iftrue = True
~~

====== Рыгор Ігнаценка — Лета надламалася ======
Канец ліпеня. Пазней пачало ўставаць сонейка. Ды і грэе яно ўжо не так, як раней.\\
Большасць птушак прымоўкла. І толькі нямногія зрэдку ўсё яшчэ працягваюць свае спевы. Але што гэта за песні! Куды толькі, здаецца, падзеліся іх весялосць і моц.\\
Вось на ўзлессі жоўценькая пеначка-вяснянка спявае. Яе песенька гучыць неяк абыякава, ціха. Быццам чалавек за працай штосьці сабе пад нос мармыча.\\
Лета надламалася. І, як сведчанне гэтаму, не-не ды і мільгане дзе-небудзь у зялёнай кроне бярозы першы жоўты ліст-вястун залатой восені.

 


===== Падобныя старонкі =====
  * [[ibdc.ped>летам-у-бары]]
  * [[творы/сяргей-грахоўскі/сяргей-грахоўскі-лета]]
  * [[творы/максім-багдановіч/максім-багдановіч-плакала-лета-зямлю-пак]]
  * [[творы/якуб-колас/якуб-колас-лета]]
  * [[ibdc.ped>шчаслівая-ўсмешка-лета]]