~~META:
title = Рыгор Крушына — Чалавек
&keywords = Крушына, чалавек
&abstract = Чытаць верш "Чалавек" Рыгора Крушыны
&iftrue = nan
~~

====== Рыгор Крушына — Чалавек ======
Чалавек заўсёды чалавек.\\
Ён з душой прыгожай, ці нягоднік,\\
На зямлі трывог і небясьпек –\\
Будаўнік, мастак і вынаходнік.\\
\\
Хіжым зьверам стаўся-б ён, але\\
У сабе хавае скарб вялікі:\\
Свой уласны сьвет, дзе на чале\\
Гаваркія літары і лікі.\\
\\
У яго – дабро і зло ў душы.\\
Ён сябе агнём ці раз дапытваў.\\
Свой інстынкт зьвярыны прыдушыў\\
Сілаю праклёнаў і малітваў.\\
\\
Чалавек ня птушка, ды палёт\\
У яго вышэйшы, аж да зорак!\\
Ён бярэ пачуцьці ў пераплёт\\
Сотняй розных моваў і гаворак.\\
\\
Чалавек заўсёды чалавек,\\
У сабе хавае скарб вялікі:\\
Хараство і свой уласны сьвет,\\
Гаваркія літары і лікі.

 


===== Падобныя старонкі =====
  * [[творы/міхась-кавыль/міхась-кавыль-чалавек]]
  * [[ibdc.ped>рэкі-і-людзі]]
  * [[творы/якуб-колас/духоўнае-багацце-чалавека-ў-паэме-новая-]]
  * [[творы/ян-баршчэўскі/ян-баршчэўскі-пра-ўваскрэсенне-душы-і-пе]]
  * [[ibdc.ped>чалавек-і-прырода]]