~~META:
title = Рыгор Крушына — Стансы
&keywords = шукаю, смех, заяц, чакаю, цябе
&abstract = Чытаць "Стансы" Рыгора Крушыны
&iftrue = nan
~~

====== Рыгор Крушына — Стансы ======
Цябе я чакаю, трывожна чакаю.\\
Хвіліны мінаюць. Я чую твой смех.\\
Іду ўсхваляваны. Спаткання шукаю.\\
Спалоханы заяц паблізу прабег.\\
\\
Настырліва згадкі ў душу запаўзаюць,\\
Мяне ахінаюць цяплом даўніны:\\
На полі рамонкі, пад хвойкаю заяц...\\
Дзівосныя мары, прыгожыя сны.\\
\\
Каго я шукаю? Чаго я жадаю?\\
Хіба эліксіраў на нашай зямлі?\\
Я быў малады, ты была маладая,\\
I кветкі інакшыя ў садзе цвілі.\\
\\
Якая гарачая метамарфоза\\
Варушыць і сушыць людзкое жыццё!\\
I я не рамонак, і ты не мімоза,\\
Але захавалася ў нас пачуццё.\\
\\
Шукаю цябе. Чую смех за кустамі,\\
Твой смех і гамонку бацькоў і дзядоў.\\
Мне гэта здалося... Цяпер я н з вамі –\\
Не дзесяць, не дваццаць, а сорак гадоў.

 


===== Падобныя старонкі =====
  * [[творы/рыгор-крушына/рыгор-крушына-тэрцыны]]
  * [[творы/рыгор-крушына/рыгор-крушына-крушына]]
  * [[слоўнік/стансы]]
  * [[постаці/рыгор-крушына]]
  * [[творы/рыгор-крушына/рыгор-крушына-секстына]]