~~META:
title = Рыгор Крушына — Санет
&keywords = паэзіі, думкі
&abstract = Чытаць санет Рыгора Крушыны
&iftrue = nan
~~

====== Рыгор Крушына — Санет ======
Залатая паэзіі арка...\\
Я хацеў-бы прайсці праз яе,\\
Каб пачуць як хвалюе Пэтрарка\\
I як наша сучаснасць пяе.\\
\\
Родны вобраз выростае шпарка\\
Сам сабою, шукае мяне,\\
I я ведаю, – не абміне\\
На ўрачыстасці поўная чарка.\\
\\
Да мяне цёплы вечар плыве,\\
Спеюць думкі ў маёй галаве.\\
Я пачуцці ў санет набіраю.\\
\\
Праз паэзіі арку – хада.\\
Б’е крыніцы святая вада\\
Незабытнага нашага краю.

 


===== Падобныя старонкі =====
  * [[творы/янка-купала/янка-купала-для-зямлі-прадзедаў-маіх]]
  * [[творы/максім-багдановіч/максім-багдановіч-санет-паміж-пяскоў-егі]]
  * [[творы/максім-багдановіч/максім-багдановіч-санет-замёрзла-ноччу-ш]]
  * [[слоўнік/санет]]
  * [[слоўнік/вянок-санетаў]]