~~META:
title = Рыгор Крушына — Рандо
&keywords = Крушына, рандо
&abstract = Чытаць верш "Рандо" Рыгора Крушыны
&iftrue = nan
~~

====== Рыгор Крушына — Рандо ======
I сны, і мары – музы чары –\\
Ствараюць казку дзіўных дзён.\\
I думак цэлы легіён\\
Снуецца ў сонечным абшары;\\
Далёкі спеў ужо чуцён.\\
\\
Празрысты свеціцца вялён\\
Праз цёплы подых лёгкай пары...\\
Прыемны мне прыносяць плён\\
I сны, і мары.\\
\\
Мне сніцца дом і пышны клён,\\
I ўжо няма ніводнай хмары.\\
Адно цвітуць, цвітуць як лён\\
I сны, і мары.

 


===== Падобныя старонкі =====
  * [[творы/рыгор-крушына/рыгор-крушына-чалавек]]
  * [[постаці/рыгор-крушына]]
  * [[творы/рыгор-крушына/рыгор-крушына-секстына]]
  * [[творы/рыгор-крушына/рыгор-крушына-тэрцыны]]
  * [[творы/рыгор-крушына/рыгор-крушына-крушына]]