~~META:
title = Рыгор Крушына — Вілянэль
&keywords = віяланчэлі, загучэлі, спеў, ласкі-пешчы, цёплы
&abstract = Чытаць "Вілянэль" Рыгора Крушыны
&iftrue = nan
~~

====== Рыгор Крушына — Вілянэль ======
Цёплы спеў віяланчэлі,\\
Струнаў ціхі перазвон...\\
Ласкі-пешчы загучэлі.\\
\\
Вобраз твой – у акварэлі.\\
Перадаў мне патэфон\\
Цёплы спеў віяланчэлі.\\
\\
Гукі ў стройнасці мякчэлі,\\
Віўся з альтам барытон –\\
Ласкі-пешчы загучэлі.\\
\\
Мае вочы заблішчэлі,\\
Як пачуў я дзіўны звон,\\
Цёплы спеў віяланчэлі.\\
\\
А ў душы маёй ярчэлі\\
I валошка, і рамон.\\
Ласкі-пешчы загучэлі.\\
\\
Можа ў гэтай віланэлі\\
Звяжа нас з табою кон –\\
Цёплы спеў віяланчэлі...\\
\\
Ласкі-пешчы загучэлі.

 


===== Падобныя старонкі =====
  * [[творы/рыгор-крушына/рыгор-крушына-чалавек]]
  * [[постаці/рыгор-крушына]]
  * [[творы/рыгор-крушына/рыгор-крушына-секстына]]
  * [[творы/рыгор-крушына/рыгор-крушына-крушына]]
  * [[творы/рыгор-крушына/рыгор-крушына-тэрцыны]]