~~META:
title = Рыгор Крушына — Адвячоркам
&keywords = плечы, свішча
&abstract = Чытаць верш Рыгора Крушыны "Адвячоркам"
&iftrue = nan
~~

====== Рыгор Крушына — Адвячоркам ======
Горад смуткам цісне мае плечы,\\
Плача вечар. Горкі вецер свішча.\\
Адвячоркам чую голас нейчы\\
Між руінаў там, дзе папялішча.\\
\\
Гэта ціхі лямант беднай маці\\
Па сынох, што гінуць дзесьці ў свеце,\\
Па разбуранай вайною хаце,\\
Па святыні, кінутай у смецце.\\
\\
На дзядзінцы - чортава ігрышча.\\
А з выгнанцам ходзіць цень галечы.\\
Плача вечар. Горкі вецер свішча.\\
Горад смуткам цісне мае плечы.\\
\\
1955

 


===== Падобныя старонкі =====
  * [[творы/рыгор-крушына/рыгор-крушына-крушына]]
  * [[постаці/рыгор-крушына]]
  * [[творы/рыгор-крушына/рыгор-крушына-секстына]]
  * [[творы/рыгор-крушына/рыгор-крушына-тэрцыны]]
  * [[творы/рыгор-крушына/рыгор-крушына-чалавек]]