~~META:
title = Рыгор Барадулін — Робяць гораду нутро
&keywords = метро
&abstract = Верш Рыгора Барадуліна "Робяць гораду нутро"
&iftrue = nan
~~

====== Рыгор Барадулін — Робяць гораду нутро ======
Робяць гораду нутро –\\
Робяць\\
МІНСКАЕ МЕТРО.\\
\\
Хуткія,\\
Як скразнякі,\\
Паімчацца цягнікі!\\
\\
Кіламетры гулкіх сцен\\
Мае\\
МЕТРАПАЛІТЭН.\\
\\
Янка, Генка i Змітро,\\
Мы хаваемся ў метро.\\
\\
У метро ўсіх літар пяць.\\
Пачынаем мы шукаць.\\
\\
Раз,\\
Два,\\
Тры,\\
Разбяры,\\
Мы наверсе\\
Ці ўнутры?\\
\\
Пад зямлёй бяжыць пячора\\
Уцякае ў заўтра ўчора.

 


===== Падобныя старонкі =====
  * [[творы/рыгор-барадулін/рыгор-барадулін-уцякала-зіма-ад-вясны]]
  * [[творы/сяргей-грахоўскі/сяргей-грахоўскі-у-метро]]
  * [[ibdc.ped>падземны-горад]]
  * [[ibdc.ped>мінскі-метрапалітэн]]
  * [[творы/казімір-камейша/казімір-камейша-метрабудаўцы]]