~~META:
title = Рыгор Барадулін — Пеўнік-весялун
&keywords = смех, спеў
&abstract = Чытаць верш Рыгора Барадуліна "Пеўнік-весялун"
&iftrue = nan
~~

====== Рыгор Барадулін — Пеўнік-весялун ======
Ку-ка-рэ-ку!\\
Хвост дугой.\\
Не сябрую я з тугой.\\
Я знайшоў\\
Для малышоў\\
Зерне дзіўных спарышоў.\\
Вырастае з зерня смех,\\
Аж яго не ўмесціць мех.\\
А яшчэ\\
Растуць загадкі,\\
Жарты,\\
Казкі-самаскладкі.\\
Прыбабунькі\\
І шаптушкі\\
Хітрыя тапыраць вушкі.\\
І казычуць,\\
Як іглінкі,\\
Весялінкі\\
Штохвілінкі.\\
Тых,\\
Хто сумным стаць паспеў,\\
Будзіць\\
Мой вясёлы спеў.

 


===== Падобныя старонкі =====
  * [[творы/анатоль-грачанікаў/анатоль-грачанікаў-задача]]
  * [[творы/казімір-камейша/казімір-камейша-адкуль-прыйшоў-гліняны-п]]
  * [[творы/казімір-камейша/казімір-камейша-гліняны-пеўнік]]
  * [[творы/станіслаў-шушкевіч/станіслаў-шушкевіч-хрыпаты-пеўнік]]
  * [[творы/алесь-бадак/алесь-бадак-белы-пеўнік]]