~~META:
title = Рыгор Барадулін — Пакуль жывеш, развітвайся з жыццём...
&keywords = ўсезабыцця, ракі, хвалі, мараю, свет
&abstract = Чытаць верш Рыгора Барадуліна "Пакуль жывеш, развітвайся з жыццём..."
&iftrue = nan
~~

====== Рыгор Барадулін — Пакуль жывеш, развітвайся з жыццём... ======
Пакуль жывеш, развітвайся з жыццём\\
Штогодна, штогадзінна, штохвілінна,\\
Твой кожны дзень,\\
Забраны забыццём,\\
Лічы сваім найбольшым адкрыццём,\\
Ты – з дрэва часу\\
Кволая галіна.\\
\\
Штодня вядзі з самім сабою бой,\\
Каб клопаты цябе не пахавалі,\\
Жыві надзеяй,\\
Мараю слабой,\\
Што свет трымаецца\\
Адным табой –\\
З ракі ўсёзабыцця – намерам хвалі.\\
\\
Старайся не ў дзяльбе,\\
А ў малацьбе,\\
Каб вымалаціць з цемрачы праменне.\\
Ляж зморшчынкай\\
Ва ўсмешцы на ілбе,\\
Каб недзе ўспомніла жыццё цябе,\\
У незваротнай вечнасці –\\
Імгненне.

 


===== Падобныя старонкі =====
  * [[творы/сяргей-грахоўскі/сяргей-грахоўскі-казкі-жыцця]]
  * [[творы/сяргей-грахоўскі/сяргей-грахоўскі-бяссмерце]]
  * [[творы/леанід-галубовіч/леанід-галубовіч-дзяцінства-пачынаецца-з]]
  * [[творы/алесь-гарун/алесь-гарун-жыццё]]
  * [[творы/максім-багдановіч/максім-багдановіч-жывеш-не-вечна-чалавек]]