~~META:
title = Рыгор Барадулін — Неруш
&keywords = неруш, слова, ранішні
&abstract = Верш Рыгора Барадуліна "Неруш"
&iftrue = nan
~~

====== Рыгор Барадулін — Неруш ======
Неруш ранішні –

роднае слова,

Мне шукаць цябе,

покуль гляджу,

Пад зялёным крылом верасовак,\\
Пад крысом

і спякоты й дажджу.

Слова,

што як нарог для ратая,

Як для ластаўкі –

стромы вільчак,

\\
Ад якога на небе світае,\\
Ад якога яснее ў вачах…\\
А пашчасціць – натрапіцца неруш, –\\
Зазвіняць недзе промні наўзбоч.\\
Неруш свой

панясу я аберуч,

Як слязіну з матуліных воч.\\
\\
Ад абразы,

ад позірку злога,

Шлях заблытаўшы для наслання,\\
Неруш ранішні –

матчына слова,

Мне, як бору,

цябе засланяць!

 


===== Падобныя старонкі =====
  * [[постаці/рыгор-барадулін]]
  * [[ibdc.ped>неруш]]
  * [[творы/рыгор-барадулін/рыгор-барадулін-уцякала-зіма-ад-вясны]]
  * [[ibdc.ped>грыбная-неруш]]
  * [[творы/рыгор-барадулін/творчасць-рыгора-барадуліна]]