Ад торбы да кія
Кароткая сцежка.
Мы людзі такія –
Нас грэе суцешка.

Сваё не баронім,
Не прагнем чужога.
І ў граі вароннім
Узгадваем Бога.

Блукаем аблудна,
Ганьбуем Радзіму.
Нас вэндзяць марудна –
Мы ўдзячныя дыму.

Выгнанец-тужынец
Прачнецца ў застудзе.
Нас хваліць чужынец:
Рахманыя людзі!

Апроч дамавіны
Хапае спакусы.
Мы выжыць павінны,
Бо мы – Беларусы!

• генадзь-бураўкін/генадзь-бураўкін-ну-што-беларусь-у-цябе-
• васіль-жуковіч/васіль-жуковіч-беларус
• рыгор-барадулін/рыгор-барадулін-мы-беларусы
• ларыса-геніюш/ларыса-геніюш-беларусы-ідуць-хлеб-свой-ж
• міхась-чарот/міхась-чарот-песня-беларуса