~~META:
title = Рыгор Барадулін — Мы людзі такія
&keywords = мы, беларусы
&abstract = Чытаць верш Рыгора Барадуліна "Мы людзі такія"
&iftrue = nan
~~

====== Рыгор Барадулін — Мы людзі такія ======
Ад торбы да кія\\
Кароткая сцежка.\\
Мы людзі такія –\\
Нас грэе суцешка.\\
\\
Сваё не баронім,\\
Не прагнем чужога.\\
І ў граі вароннім\\
Узгадваем Бога.\\
\\
Блукаем аблудна,\\
Ганьбуем Радзіму.\\
Нас вэндзяць марудна –\\
Мы ўдзячныя дыму.\\
\\
Выгнанец-тужынец\\
Прачнецца ў застудзе.\\
Нас хваліць чужынец:\\
Рахманыя людзі!\\
\\
Апроч дамавіны\\
Хапае спакусы.\\
Мы выжыць павінны,\\
Бо мы – Беларусы!

 


===== Падобныя старонкі =====
  * [[творы/генадзь-бураўкін/генадзь-бураўкін-ну-што-беларусь-у-цябе-]]
  * [[творы/васіль-жуковіч/васіль-жуковіч-беларус]]
  * [[творы/рыгор-барадулін/рыгор-барадулін-мы-беларусы]]
  * [[творы/ларыса-геніюш/ларыса-геніюш-беларусы-ідуць-хлеб-свой-ж]]
  * [[творы/міхась-чарот/міхась-чарот-песня-беларуса]]