~~META:
title = Рыгор Барадулін — Зямля бацькоў
&keywords = бацькоў, зямля, дала, люблю, права
&abstract = Чытаць верш Рыгора Барадуліна "Зямля бацькоў"
&iftrue = nan
~~

====== Рыгор Барадулін — Зямля бацькоў ======
Слязіна ўдзякі,\\
Позірк мглі,\\
Радзіце, каласы і травы.\\
Быць чалавекам на зямлі\\
Зямля бацькоў\\
Дала мне права.\\
\\
З рэк піў,\\
Еў хлеб без асцюкоў,\\
Не даланіў меч,\\
Лашчыў рала.\\
Бацькоў\\
Дала зямля бацькоў.\\
Бацькоў\\
Зямля бацькоў забрала.\\
\\
Яе, суровую, адну\\
Люблю я не па абавязку.\\
Прымаю, як і ў даўніну,\\
I гнеў нябёс,\\
I казкі ласку.\\
\\
За дым кастра –\\
Паклон быллю,\\
Раллі –\\
За цёплы след каравы.\\
\\
Зямлю бацькоў\\
Я так люблю,\\
Што ненавідзець\\
Маю права!

 


===== Падобныя старонкі =====
  * [[творы/рыгор-барадулін/рыгор-барадулін-світанняў-я-з-табой-не-с]]
  * [[творы/рыгор-барадулін/творчасць-рыгора-барадуліна]]
  * [[творы/рыгор-барадулін/дзіцячая-паэзія-рыгора-барадуліна]]
  * [[творы/рыгор-барадулін/рыгор-барадулін-уцякала-зіма-ад-вясны]]
  * [[постаці/рыгор-барадулін]]