~~META:
title = Рыгор Барадулін — Журба вясла
&keywords = маці, журба, вясла
&abstract = Чытаць верш "Журба вясла" Рыгора Барадуліна
&iftrue = nan
~~

====== Рыгор Барадулін — Журба вясла ======
Песня маці чыёй балючэйшая,\\
Ці тваёй, ці маёй, пакутніцы?\\
Адкажы мне,\\
Галіна Бальчэўская.\\
Смутак мой ад мяне не адкупіцца.\\
\\
Чыя каса\\
Бядой\\
Была?\\
Чыя краса\\
З вадой\\
Сплыла?\\
\\
Ты — галінка абныла-крохкая\\
Дрэва наскага,\\
Дрэва песеннага.\\
Са жніва талака йшла —\\
З палёгкаю,\\
З ласкаю\\
Маладзік павесіла.\\
\\
Табе знаёма\\
Журба\\
Вясла,\\
Дзе пакрыёма\\
Вярба\\
Расла.\\
\\
Гора чула ты, ліха бачыла.\\
Каб зласліўцы твае адбрахаліся,\\
Сум спагодзіла песні матчынай\\
Галая на святло прагалінка.

 


===== Падобныя старонкі =====
  * [[творы/рыгор-барадулін/творчасць-рыгора-барадуліна]]
  * [[постаці/рыгор-барадулін]]
  * [[творы/рыгор-барадулін/рыгор-барадулін-світанняў-я-з-табой-не-с]]
  * [[творы/рыгор-барадулін/дзіцячая-паэзія-рыгора-барадуліна]]
  * [[творы/рыгор-барадулін/рыгор-барадулін-уцякала-зіма-ад-вясны]]