~~META:
title = Рыгор Барадулін — Душа баліць...
&keywords = боль, душа, сэрца, баліць
&abstract = Чытаць верш Рыгора Барадуліна "Душа баліць..."
&iftrue = nan
~~

====== Рыгор Барадулін — Душа баліць... ======
Душа баліць\\
Зусім не так, як сэрца,\\
Той боль не ўтаймаваць нічым,\\
Няхай маўчым,\\
Няхай крычым –\\
Душу праверыць боль-зняверца.\\
\\
Той светлы боль\\
Нічым не ашукаць:\\
Ні шэптам, ані гаманою,\\
Той боль\\
Не тушыцца маною,\\
Бо ўмее полымем шугаць.\\
\\
А ў полымі бязлітасным згарыць\\
На прысак марната любая.\\
Душы, што боль упадабае,\\
Захочацца загаварыць\\
Як на духу\\
З другой пакутацерпцай,\\
Зноў боль адчуць,\\
Нібы спярша...\\
\\
Пакуль баліць душа,\\
З надзеяй\\
Можа біцца сэрца.

 


===== Падобныя старонкі =====
  * [[творы/сяргей-грахоўскі/сяргей-грахоўскі-душа]]
  * [[творы/максім-гарэцкі/максім-гарэцкі-стогны-душы]]
  * [[творы/віктар-карамазаў/віктар-карамазаў-зачараваная-душа]]
  * [[творы/уладзімір-жылка/уладзімір-жылка-душа-мая-тужлівая]]
  * [[творы/алесь-бадак/алесь-бадак-душа]]