~~META:
title = Рыгор Барадулін — Вясновая замалёўка на беразе Ваўчэнскага возера
&keywords = дзёгаць, старога, туманы, Іцак
&abstract = Чытаць верш "Вясновая замалёўка на беразе Ваўчэнскага возера" Рыгора Барадуліна
&iftrue = nan
~~

====== Рыгор Барадулін — Вясновая замалёўка на беразе Ваўчэнскага возера ======
Возера стаіць, не зварухнецца,\\
Бо агеньчыкам надкручнай хаты\\
Аж да дна, нібы цвіком, прыбіта –\\
Каб не ссунулася анікуды.\\
\\
Быццам купінка з сухой ігліцы,\\
Недаверлівы спяшае вожык,\\
Чмыхае лычком сваім кірпатым,\\
Нюхае – ці не прайшла палёўка?..\\
\\
Драч на непадмазаных калёсах\\
Туманы сушыць вязе на тоні.\\
Кнігаўка (за дзень не дакрычала!),\\
Як з хвастом ушчэмленым, галосіць.\\
\\
Пахнуць туманы аернай рыбай.\\
Точыцца з зямлі адталай мята...\\
От і ты зайшоўся ў шчырым спеве.\\
Добры вечар,

салавей знаёмы!

\\
Ты ці помніш пра старога Іцку?\\
Ён жа ў вёску вёз у бочцы дзёгаць,\\
Чорт падскочыў,

з бочкі шпунт адторкнуў

I закапаў на дарогу дзёгаць.\\
Гэта ж ты яму крычаў з бярозы,\\
Папярэджваў дзегцяра старога:

– Іцак, Іцак!\\
Дзёгаць выцек –\\
Кап, кап,\\
ццюрр-руру!..

Выбеглі ў сяле суседзі нашы\\
З вёдрамі – Максіміха, Казліха,\\
Ну а ў Іцкі – ані кроплі дзёгцю.\\
Як жа мне шкада было старога.\\
\\
Дзякуй за ўспамін табе, залётны

 


===== Падобныя старонкі =====
  * [[ibdc.ped>навальніца-на-возеры]]
  * [[ibdc.ped>свіцязь]]
  * [[ibdc.ped>лясное-возера]]
  * [[ibdc.ped>на-беразе-нарачы]]
  * [[ibdc.ped>самае-глыбокае-возера]]