~~META:
title = Рыгор Барадулін — Восень
&keywords = зазвіняць, вясною
&abstract = Чытаць верш "Восень" Рыгора Барадуліна
&iftrue = nan
~~

====== Рыгор Барадулін — Восень ======
Ціха – ажно закладвае вушы.\\
Дзюбай забінтаванай –

адбіў за лета –

Грукае дзяцел у азалелы ствол.\\
Сосен пявучых

ні ўвечар, ні рана

Не ўчуеш наўкол.\\
На дол

сыплецца толькі ігліца,

Быццам

бурая поўсць з мядзведзя.

Ледзьве

шэпчуць сасна з сасною

(Яны зазвіняць вясною!).\\
Крадзецца золь напрасткі

да ракі,

Бач ты,

паўзе каля самай!

Летам полю

звінець каласамі!

А покуль замоўкла ўсё...

 


===== Падобныя старонкі =====
  * [[творы/уладзімір-дубоўка/уладзімір-дубоўка-залатая-асенняя-раніца]]
  * [[творы/алесь-салавей/алесь-салавей-восень]]
  * [[творы/алесь-гарун/алесь-гарун-восень]]
  * [[творы/ніна-мацяш/ніна-мацяш-восень]]
  * [[слоўнік/восеньскія-песні]]