~~META:
title = Рыгор Барадулін — Арганаўты
&keywords = арганаўты
&abstract = Чытаць верш "Арганаўты" Рыгора Барадуліна
&iftrue = nan
~~

====== Рыгор Барадулін — Арганаўты ======
Плылі спрадвеку пехатою.\\
Пагляды лашчыла руно\\
Жаданае і залатое —\\
Рунела рунь...\\
\\
Сахі стырно\\
Трымалі моцна.\\
Заплывалі\\
За вечаровы небазвон.\\
Люлялі арганаўтаў\\
Хвалі\\
Перастаялых баразён.\\
\\
Карэц каравай даланёю\\
Трымалі\\
Працы каралі.\\
Рабілі з небам іх раднёю\\
Крутыя крылы араллі.\\
\\
У полі\\
Сеялася заўтра.\\
Кляліся небу перуном\\
Ушацкіх гоняў арганаўты.\\
Зямля рунела ім\\
Руном.

 


===== Падобныя старонкі =====
  * [[постаці/рыгор-барадулін]]
  * [[творы/рыгор-барадулін/рыгор-барадулін-уцякала-зіма-ад-вясны]]
  * [[творы/рыгор-барадулін/творчасць-рыгора-барадуліна]]
  * [[творы/рыгор-барадулін/рыгор-барадулін-світанняў-я-з-табой-не-с]]
  * [[творы/рыгор-барадулін/дзіцячая-паэзія-рыгора-барадуліна]]