~~META:
title = Рыгор Барадулін — Акраподумка
&keywords = барадулін, &rarr, рыгор, барадулінарыгор, рыгора, барадулін &rarr, рыгор барадулін, &rarr рыгор, рыгора барадулінарыгор, барадулінарыгор барадулін, рыгора барадулінарыгор барадулін
&abstract = Чытаць верш Рыгора Барадуліна "Акраподумка"
&iftrue = nan
~~

====== Рыгор Барадулін — Акраподумка ======
**І**дзе дарога подумкай крыла.\\
**Г**ары з гарою хочацца сысціся.\\
**А**чішыць пораст не хапае тла.\\
**Р**ашуча плечы развінулі высі.\\
**Ц**ераз вякі ліняюць скразнякі.\\
**Я**снеюць вочы маладзюткай памяці.\\
**Р**адзее пыл сузор’яў трапяткі.\\
**Э**лектравасількам днець цёпла ў замяці.\\
**Ш**укае промень цень свой на вадзе.\\
**Ч**акае досвітак назвацца раннем.\\
**А**бсяг трывогу за сабой вядзе.\\
**Н**яспыннасць не цікавіцца зніканнем.\\
**К**алі сустрэнеш міг, спытай тады,\\
**А**дкуль святло прыйшло назаўсягды?..\\
\\
22.03.2013

 


===== Падобныя старонкі =====
  * [[творы/рыгор-барадулін/дзіцячая-паэзія-рыгора-барадуліна]]
  * [[творы/рыгор-барадулін/рыгор-барадулін-уцякала-зіма-ад-вясны]]
  * [[постаці/рыгор-барадулін]]
  * [[творы/рыгор-барадулін/творчасць-рыгора-барадуліна]]
  * [[творы/рыгор-барадулін/рыгор-барадулін-світанняў-я-з-табой-не-с]]