~~META:
title = Раіса Баравікова — Чаму? Навошта? – што ні дзень з пытання...
&keywords = галавешкі, спрадвечная, згараем, пакута, атрута
&abstract = Чытаць верш Раісы Баравіковай "Чаму? Навошта? – што ні дзень з пытання..."
&iftrue = nan
~~

====== Раіса Баравікова — Чаму? Навошта? – што ні дзень з пытання... ======
Чаму? Навошта? – што ні дзень

з пытання.

Вышукваеш нуды маёй прычыны,\\
а я заўсёды думала, мужчыны\\
ніколі не ўдаюцца ў сэнс кахання.\\
\\
Як часам незаўважна ўскрыліць мара,\\
надзея ўспыхне з аднае усмешкі,\\
хто знае, на якіх кастрах згараем,\\
раздзьмухваем якія галавешкі?..\\
\\
Дзеля чаго? Спрадвечная пакута.\\
Чакаем ночы, каб не спаць да дня.\\
Адзін гаворыць – мёд,

другі – атрута,

і кожны выпіць хоча ўсё да дна.

 


===== Падобныя старонкі =====
  * [[творы/раіса-баравікова/раіса-баравікова-старэюць-людзі-дрэвы-і-]]
  * [[творы/раіса-баравікова/раіса-баравікова-жыву-і-дзякуй-не-ў-прас]]
  * [[творы/раіса-баравікова/раіса-баравікова-барбара-радзівіл]]
  * [[творы/раіса-баравікова/раіса-баравікова-верш-да-дзяцей]]
  * [[творы/раіса-баравікова/творчасць-раісы-баравіковай]]