~~META:
title = Раіса Баравікова — Усё забыць – імгненна і адразу...
&keywords = надзей
&abstract = Чытаць верш Раісы Баравіковай "Усё забыць – імгненна і адразу..."
&iftrue = nan
~~

====== Раіса Баравікова — Усё забыць – імгненна і адразу... ======
Усё забыць – імгненна і адразу.\\
– Дзень добры, асцярожна...

Там газон, –

і высмеяць заблытаную фразу,\\
падняць на смех не модны парасон.\\
Адвесці вочы ў гаманкім партэры,\\
між іншым, пры размове пазяхнуць,\\
прайсці –

на ўздых –

ад Вашае кватэры,

але на вокны так і не зірнуць...\\
\\
Калі ж гарачым шалам успаміну\\
абдасць шыпшыны трапятлівай пах,\\
не важным стане, хто каго пакінуў,\\
з гаркотай ці з надзеяй на губах.\\
Дазвольце мне вярнуцца з лістападу,\\
з завеі ці з дажджу ў будзённы час,\\
каб доўг аддаць у глыбіню пагляду, –-\\
замоўчанае:\\
«Я КАХАЮ ВАС...»

\\
Крыніца: Баравікова Р. Каханне: Кніга лірыкі / Маст. В. Тарасаў. – Мн.: Маст. літ., 1987. – 174 с.

 


===== Падобныя старонкі =====
  * [[творы/эдуард-акулін/эдуард-акулін-трыялет]]
  * [[творы/рыгор-крушына/рыгор-крушына-твае-вочы]]
  * [[творы/анатоль-грачанікаў/анатоль-грачанікаў-свяці-кахання-чыстая-]]
  * [[творы/янка-журба/янка-журба-каханне]]
  * [[творы/язэп-пушча/язэп-пушча-яшчэ-ў-юнацкія-гады]]