~~META:
title = Раіса Баравікова — Паэзія
&keywords = птушак
&abstract = Чытаць верш "Паэзія" Раісы Баравіковай
&iftrue = nan
~~

====== Раіса Баравікова — Паэзія ======
Радок – спадман, ён толькі рамяство,\\
штуршок да неспакою і сумнення.\\
Уяўным развярэдзіць хараством,\\
няспраўджаным апаліць летуценнем.\\
\\
Я шмат разоў пытала, што ёсць Ты,\\
ў сяброў сваіх, у птушак, у сумлення...\\
Ты дадаеш бяздумным пустаты,\\
разумнікам не дадаеш гарэння.\\
\\
Ты ў снах маіх гаротніцай крычыш\\
і дзіўна спакушаеш паднябессем,\\
арліцаю здаешся на плячы\\
і б'еш наводмаш салаўінай песняй.\\
\\
Бываю часта рознаю ў жыцці:\\
і сейбіткай, і часам пабірахай...\\
Што ж Ты такое? – зноў пытаю ў птаха,\\
птах у прастору гулкую ляціць.\\
\\
1981

 


===== Падобныя старонкі =====
  * [[творы/іншае/сучасная-літаратура-беларусі/сучасная-паэзія-беларусі]]
  * [[творы/ніл-гілевіч/матывы-і-вобразы-паэзіі-ніла-гілевіча]]
  * [[творы/аркадзь-куляшоў/паэзія-аркадзя-куляшова-яе-тэматыка-грам]]
  * [[творы/іншае/сучасная-літаратура-беларусі/сучасная-беларуская-паэзія-яе-тэмы-і-воб]]
  * [[творы/пімен-панчанка/духоўны-свет-лірычнага-героя-ў-паэзіі-пі]]