~~META:
title = Раіса Баравікова — Пакуль жыву – агнём гару...
&keywords = быць, нехта, некаму, пакуль, жыву, дзень
&abstract = Чытаць верш Раісы Баравіковай "Пакуль жыву – агнём гару..."
&iftrue = nan
~~

====== Раіса Баравікова — Пакуль жыву – агнём гару... ======
Пакуль жыву – агнём гару!\\
Іначай быць ніяк не можа.\\
Я сонца некаму дару,\\
і нехта ў горы мне паможа.\\
\\
Прарвецца з сэрца жалю спеў,\\
маё дзіця яго пачуе,\\
я некаму дарую гнеў,\\
і нехта слабасць мне даруе.\\
\\
І абяцае добрым быць\\
дзень сённяшні і дзень наступны,\\
вучу душу сваю любіць\\
усё, што позірку даступна, –\\
\\
ад хаты і да мураша,\\
ад небасхілу да асфальту,\\
пакуль жыву, – нясі, душа,\\
любві зямной зямную варту.

 


===== Падобныя старонкі =====
  * [[творы/сяргей-грахоўскі/сяргей-грахоўскі-казкі-жыцця]]
  * [[творы/максім-багдановіч/максім-багдановіч-жывеш-не-вечна-чалавек]]
  * [[творы/алесь-гарун/алесь-гарун-жыццё]]
  * [[творы/сяргей-грахоўскі/сяргей-грахоўскі-бяссмерце]]
  * [[творы/леанід-галубовіч/леанід-галубовіч-дзяцінства-пачынаецца-з]]