~~META:
title = Раіса Баравікова — Мне сёння прыснілася хата...
&keywords = хата
&abstract = Чытаць верш Раісы Баравіковай "Мне сёння прыснілася хата..."
&iftrue = nan
~~

====== Раіса Баравікова — Мне сёння прыснілася хата... ======
Мне сёння прыснілася хата...\\
У ёй мы калісьці жылі!\\
Вясною там бэзу багата,\\
Звіняць над лугамі чмялі.\\
Праз сон я ў маленства глядзела,\\
Ў туманны, сівы вербалоз,\\
Я зноў святкавала нядзелю\\
Ў зацішку знаёмых бяроз!\\
Шумелі за хатаю сосны,\\
І стукалі промні ў акно,\\
Малою на ўзмежачак росны\\
Спяшалася слаць палатно.\\
За вокнамі стукалі колы,\\
Зарою палаў далягляд,\\
І плакала я, бо ніколі\\
Туды не вярнуся назад.\\
\\
1974

 


===== Падобныя старонкі =====
  * [[ibdc.ped>просім-у-хату-госцейкі-нашы]]
  * [[творы/уладзіслаў-сыракомля/уладзіслаў-сыракомля-пра-маю-старую-хатк]]
  * [[ibdc.ped>хаты-беларусаў]]
  * [[ibdc.ped>нашы-хаты]]
  * [[ibdc.ped>людчына-хата]]