~~META:
title = Раіса Баравікова — Маме
&keywords = &rarr, дыктанты, \r\nтабе, золак, маціпераказы, &ndash, прысядзем, нашым, шумяць\r\nу, садзе, акна\r\nз, табой, яблыні, дыктанты &rarr, маціпераказы дыктанты, табой прысядзем, акна\r\nз табой, шумяць\r\nу нашым, нашым садзе, яблыні шумяць\r\nу
&abstract = Чытаць верш "Маме" Раісы Баравіковай
&iftrue = nan
~~

====== Раіса Баравікова — Маме ======
Як ціха яблыні шумяць

у нашым садзе,

мы адвячоркам ля акна

з табой прысядзем,

пачну расказваць пра сябе, –

табе цікава,

а мне лавіць бы на сябе

пагляд ласкавы.

Жаночы лёс – няпросты лёс,

я гэта знаю,

удосталь смеху, ўдосталь слёз

усё прымаю,

да сэрца блізка не бяры

мае нягоды,

яшчэ спяваюць салаўі

мне цераз годы.

Як ціха яблыні шумяць

у нашым садзе,

давай жа, мама, ля акна

з табой прысядзем,

цень адвячоркавы, густы

на шыбку ляжа,

табе пра тое, што утаю,

вясна дакажа...

\\
1981

 


===== Падобныя старонкі =====
  * [[ibdc.ped>на-скрыжаванні]]
  * [[ibdc.ped>i-надыходзіць-дзень]]
  * [[творы/янка-золак/янка-золак-ода-маці]]
  * [[ibdc.ped>да-маці]]
  * [[ibdc.ped>сустрэча-з-маці]]