~~META:
title = Раіса Баравікова — Калі я з сябрам
&keywords = спакою, чалавечнасць, вечнасць, хвілінку, цяпло, чакалі
&abstract = Верш Раісы Баравіковай "Калі я з сябрам"
&iftrue = nan
~~

====== Раіса Баравікова — Калі я з сябрам ======
Я не пытаюся: чакалі – не чакалі\\
Ў сваім маленькім, чысценькім пакоі.\\
Скажу наперад – каб не папракалі,\\
Прыйшла пазычыць цішыні, спакою.\\
Спакою на хвілінку, не на вечнасць!..\\
Прыемна пасядзець крыху ў зацішку,\\
Адчуць цяпло і вашу чалавечнасць,\\
Пагаварыць, пабыць хоць з вамі крышку.\\
Я адпачну, бо стомлена занадта,\\
А ваш пакоік ад турбот хавае,\\
У ім гучыць свавольная саната –\\
Яе мне вецер за акном спявае.\\
О, як тут ціха, дзіўныя малюнкі,\\
І строгія партрэты – ўсё ў маўчанні.\\
Ад мітусні шукала я ратунку –\\
Знайшла!

Не памагае!

У адчаі

Зноў сэрца пачынае маё біцца...\\
\\
Спакой мне на хвілінку, не на вечнасць,\\
Якімі б ні былі цяпло і чалавечнасць.\\
\\
\\
Крыніца: Баравікова Р. А. Рамонкавы бераг. Вершы, Мн., «Маст. літ.», 1974. 80 с. (Першая кніга паэта).

 


===== Падобныя старонкі =====
  * [[творы/раіса-баравікова/творчасць-раісы-баравіковай]]
  * [[творы/раіса-баравікова/раіса-баравікова-жыву-і-дзякуй-не-ў-прас]]
  * [[творы/раіса-баравікова/раіса-баравікова-старэюць-людзі-дрэвы-і-]]
  * [[творы/раіса-баравікова/раіса-баравікова-верш-да-дзяцей]]
  * [[творы/раіса-баравікова/раіса-баравікова-барбара-радзівіл]]