~~META:
title = Раіса Баравікова — За дзень да снежня
&keywords = зіма, каханне
&abstract = Чытаць верш Раісы Баравіковай "За дзень да снежня"
&iftrue = nan
~~

====== Раіса Баравікова — За дзень да снежня ======
Ужо на тры замкі закрыўся жмінда\\
і недзе перад ложкам ловіць моль,\\
а па садах згалелых ходзіць крыўда,\\
я чую — дрэвы скардзяцца на золь.\\
\\
Слата, слата... а ў позірку чаканне,\\
бы феерверкам выбухне зіма...\\
Прымроіцца, як ясны дзень, каханне,\\
цьфу на яго! Яно заўжды чума.\\
\\
Гартае свет турбот будзённых кнігу,\\
нямала ў ёй старонак для мяне,\\
і круціць лёс, нібы разводдзе крыгу,\\
не сплю.... Чакаю сонейка ў акне.\\
\\
1987

 


===== Падобныя старонкі =====
  * [[творы/раіса-баравікова/творчасць-раісы-баравіковай]]
  * [[творы/раіса-баравікова/раіса-баравікова-старэюць-людзі-дрэвы-і-]]
  * [[творы/раіса-баравікова/раіса-баравікова-барбара-радзівіл]]
  * [[творы/раіса-баравікова/раіса-баравікова-жыву-і-дзякуй-не-ў-прас]]
  * [[творы/раіса-баравікова/раіса-баравікова-верш-да-дзяцей]]