~~META:
title = Раіса Баравікова — Апошняя сустрэча
&keywords = табою, цябе
&abstract = Чытаць верш Раісы Баравіковай "Апошняя сустрэча"
&iftrue = nan
~~

====== Раіса Баравікова — Апошняя сустрэча ======
Азвуцца хутка снегапады.\\
Пра іх ужо гамоняць ветры.\\
А мы з табой зіме не рады\\
у гэты вечар непрыветны.\\
\\
У час апошняе сустрэчы\\
засланы вочы ціхім жалем,\\
пакутліва накрыла плечы\\
я пры табе пуховым шалем.\\
\\
Глядзіш адчужана, зласліва –\\
я для цябе ужо чужая!\\
На санках снежаньскіх імкліва\\
да нас расстанне пад'язджае.\\
\\
Адводжу позірк свой маўкліва\\
і час зацягваю упарта!\\
З табою не была шчаслівай,\\
а без цябе і жыць не варта!\\
\\
Лягла на твар разлукі боязь,\\
ды пагляджу ніякавата...\\
І пакланюся нізка ў пояс,\\
нібыта ў нечым вінавата.\\
\\
1978\\
\\
\\
Крыніца: Баравікова Р. Пад небам першага спаткання. Лірыка, – Мн.: Маст, літ., 1990, – 174 с.

 


===== Падобныя старонкі =====
  * [[творы/язэп-пушча/язэп-пушча-яшчэ-ў-юнацкія-гады]]
  * [[творы/анатоль-грачанікаў/анатоль-грачанікаў-свяці-кахання-чыстая-]]
  * [[творы/эдуард-акулін/эдуард-акулін-трыялет]]
  * [[творы/янка-журба/янка-журба-каханне]]
  * [[творы/рыгор-крушына/рыгор-крушына-твае-вочы]]