~~META:
title = Пімен Панчанка — Сармацкае кадзіла — ГДЗ
&keywords = кветка
&abstract = Адказы на пытанні па вершу Пімена Панчанкі "Сармацкае кадзіла"
&iftrue = nan
~~

====== Пімен Панчанка — Сармацкае кадзіла — ГДЗ ======
1. Аўтара ўсхвалявала, узрушыла праблема знікнення раслін. Яго клапоціць, што кураслеп лясны, ворлік, чарамша, [[творы/пімен-панчанка/пімен-панчанка-сармацкае-кадзіла|сармацкае кадзіла]], сон-трава, познацвет і многія іншыя "да Чырвонай кнігі збеглі ўсе". [[постаці/пімен-панчанка|Пімен Панчанка]] перажывае за тое, што "збяднеў у нас зялёны свет"\\
2. Чалавек нясе адказнасць за тое, што адбываецца ў навакольным асяроддзі, бо ён тварэнне прыроды і цесна з ёю звязаны. Любое парушэнне, зробленае чалавекам, можа прывесці да непапраўных страт. Кожны з нас павінен усведамляць, што спажывецкія адносіны да прыроды, бяздушша да яе накіраваны супраць самога чалавека.\\
У тэксце гэта думка перададзена ў радках:

Вінаваты ў гэтым не сарматы,\\
Вінаваты ўсе мы: ты і я.

3. У радках "Душна ад жалезнага прагрэсу" перададзены адносіны да бяздушнага стаўлення да зямлі. Нельга, каб гаспадарчая дзейнасць шкодзіла "зялёнай радні" і падразала "жылы лесу". Звяртаючы ўвагу на "жалезны прагрэс", аўтар прызывае задумацца над вынікамі сваёй дзейнасці.\\
4. Калі не спыніць знішчэнне прыроды, людзі пакінуць нашчадкам збяднелую планету без многіх відаў раслін і жывёл; атрутнае паветра, якім нельга будзе дыхаць.\\
5. Выратаваць і захаваць прыродную спадчыну можна толькі ўсвядаміўшы сваю асабістую адказнасць за ўсё, што адбываецца на зямлі.\\
Прапануе аўтар прыняць "захады і меры", сярод якіх, магчыма, і прызваць да адказнасці тых, хто бяздумнай дзейнасцю забруджвае рэкі і азёры, атручвае паветра, знішчае жывёльны і раслінны свет.\\
6. Назву званочак сіні кветка атрымала за сваё знешняе падабенства са званочкам. Назва кветкі сон-трава звязана з паданнем, што жывёлы і людзі, пакаштаваўшы корань расліны, упадалі ў глыбокі сон. Познацветам назвалі кветку таму, што цвіце яна апошняй, радуючы людзей у той час, калі іншыя кветкі ўжо адцвілі. Чарамшу называюць яшчэ мядзведжай цыбуляй, бо яна шырока выкарыстоўваецца ў ежу не толькі людзьмі але і мядзведзямі. Чаравічок венерын атрымаў сваю назву за падабенства з чаравічком.\\
7. Каб зберагчы тыя расліны, якія растуць у нашай мясцовасці, можна прапанаваць наступнае:\\
а) нельга бяздумна таптаць і рваць кветкі;\\
б) пажадана ахоўваць месцы, дзе растуць рэдкія расліны;\\
в) старацца самім саджаць кветкі.

 


===== Падобныя старонкі =====
  * [[творы/пімен-панчанка/пімен-панчанка-зварот]]
  * [[творы/пімен-панчанка/пімен-панчанка-вясёлай-маланкаю-ластаўка]]
  * [[постаці/пімен-панчанка]]
  * [[творы/пімен-панчанка/пімен-панчанка-сармацкае-кадзіла]]
  * [[творы/пімен-панчанка/духоўны-свет-лірычнага-героя-ў-паэзіі-пі]]