~~META:
title = Пімен панчанка — Не сярдуйце, не крыўдуйце...
&keywords = Панчанка, сярдуйце, крыўдуйце
&abstract = Чытаць верш Пімена Панчанкі "Не сярдуйце, не крыўдуйце..."
&iftrue = nan
~~

====== Пімен панчанка — Не сярдуйце, не крыўдуйце... ======
Не сярдуйце, не крыўдуйце,\\
Бо жыццё нялёгкае.\\
Быў часамі я прыдуркам,\\
Ды ніколі лёкаем.\\
\\
Ананімшчыкаў зласлівых,\\
Невукаў-халтуршчыкаў,\\
Бюракратаў ганарлівых\\
Многа мной патрушчана.\\
\\
3 імі я не меў гешэфту,\\
Хабар не прывозіў я...\\
Быў мне лес адзіным шэфам,\\
Кансультантам — возера.\\
\\
Толькі вершы...\\
Душна, душна...\\
Карані падрэзаны.\\
Стаў народ мой раўнадушны\\
Да роднай паэзіі.\\
\\
Не сярдуйце, не крыўдуйце,\\
Гаснуць сонца колеры.\\
I на беларускай дудцы\\
Не іграць ніколі мне.\\
\\
Пакуль паціху іншыя\\
Стваралі хутары,\\
Рабіў, рабіў увішна ён —\\
I вось... ужо стары.\\
\\
Вучыў дзяцей ён добраму:\\
Не клянчыць, не прасіць.\\
I ў справе самай дробнай\\
Ніколі не хлусіць.\\
\\
Быў вечным ён маўчальнікам,\\
Чакаў, цярпеў, трываў.\\
Шафёр яго начальніка\\
Кватэру атрымаў.\\
\\
Яго ж кватэрка цесная,\\
Ды рад ён зноў і зноў,\\
Што выгадаваў чэснымі\\
Дачку і двух сыноў...\\
\\
У гневе, злосці, ярасці\\
Гул грозных галасоў.\\
Пах беднасці і старасці —\\
Мільёны адрасоў.\\
\\
Дзівак сцвярджае:\\
«Верце,\\
На свеце слаўна жыць!»\\
Але чаму так сэрца\\
Сумуе і баліць?

 


===== Падобныя старонкі =====
  * [[творы/пімен-панчанка/духоўны-свет-лірычнага-героя-ў-паэзіі-пі]]
  * [[творы/пімен-панчанка/пімен-панчанка-зварот]]
  * [[творы/пімен-панчанка/пімен-панчанка-сармацкае-кадзіла-гдз]]
  * [[творы/пімен-панчанка/пімен-панчанка-сармацкае-кадзіла]]
  * [[творы/пімен-панчанка/пімен-панчанка-вясёлай-маланкаю-ластаўка]]