~~META:
title = Пімен Панчанка — Не раз мы пад крывавымі сцягамі...
&keywords = Панчанка, крывавымі, сцягамі
&abstract = Чытаць верш Пімена Панчанкі "Не раз мы пад крывавымі сцягамі..."
&iftrue = nan
~~

====== Пімен Панчанка — Не раз мы пад крывавымі сцягамі... ======
Не раз мы пад крывавымі сцягамі\\
Даверліва на вернасць прысягалі,\\
Не хітрасць — прысягнуць,\\
А мудрасць — дасягнуць.\\
Расійская імперыя,\\
Савецкі наш саюз,\\
Калі ж ты скончыш песню\\
Жабрацкую сваю?\\
\\
Мы хвалямі затоплены\\
Хлусні, маны, ілжы.\\
Калі па-чалавечаму\\
Пачнём усе мы жыць?\\
\\
Злаба і раздражненне,\\
Разбойніцкі разгул...\\
I спее ў нашых сэрцах\\
Расплаты гнеўны гул.

 


===== Падобныя старонкі =====
  * [[творы/пімен-панчанка/пімен-панчанка-сармацкае-кадзіла]]
  * [[творы/пімен-панчанка/пімен-панчанка-сармацкае-кадзіла-гдз]]
  * [[творы/пімен-панчанка/пімен-панчанка-вясёлай-маланкаю-ластаўка]]
  * [[творы/пімен-панчанка/пімен-панчанка-зварот]]
  * [[творы/пімен-панчанка/духоўны-свет-лірычнага-героя-ў-паэзіі-пі]]