~~META:
title = Пімен Панчанка — На Палессі восень...
&keywords = Пімен, Панчанка, Палессе, восень, верш
&abstract = Аналіз верша Пімена Панчанкі "На Палессі восень..."
&iftrue = nan
~~

====== Пімен Панчанка — На Палессі восень... ======
На Палессі восень...\\
Гусі белыя\\
Выскублі мядовую траву.\\
І вятры, ад сцюжы ашалелыя,\\
То журботна свішчуць,\\
То равуць.\\
\\
Смех і кветкі,\\
Вы куды падзеліся?\\
Навакол\\
Стагі, стагі, стагі.\\
Чым жа ты цяпер са мной падзелішся,\\
Прыпяць, пачарнелая з тугі?\\
\\
Ліст пажоўклы да плашча прыколеш?\\
Ці на момант вернеш мне ізноў\\
Каснічок зары,\\
Світальны колер\\
Тапалёў, буслоў і туманоў?\\
\\
А сама замкнешся у лядоўні,\\
Лета у стагі паклаўшы спаць...\\
Будуць коні сніць лугі мядовыя\\
І, як людзі, цяжка уздыхаць.\\
\\
1965

\\
Аналіз верша\\
1. Настрой верша сумна-тужлівы, паэт са шкадаваннем назірае за прыходам позняй восені.\\
2. [[постаці/пімен-панчанка|Пімен Панчанка]] звяртаецца да Прыпяці як да блізкага сябра, такі мастацкі прыём называецца ўвасабленнем.\\
3. Метафары: Прыпяць падзеліцца; прыколе ліст пажоўклы; верне каснічок зары, світальны колер; замкнецца ў лядоўні, лета ў стагі паклаўшы спаць; вятры свішчуць і равуць.\\
Эпітэты: мядовая трава; вятры ашалелыя; пачарнелая Прыпяць; пажоўклы ліст; світальны колер; мядовыя лугі.\\
4. Іван Карасёў паказаў цёплую залатую восень, сонечны дзень, празрыстае неба. Яго восень нагадвае бабіна лета. Да пейзажа I. Карасёва «Залатая восень» можна падабраць радкі з верша А. Коршака «Кляновы ліст»: «Паслана золата кляновае ўдалі...».\\
На карціне Міколы Купавы «Глыбелька» восень толькі пачынаецца, яшчэ не ўсё лісце апала, ёсць і зялёнае. Да гэтага твора можна падабраць словы Пімена Панчанкі: «На Палессі восень...».

 


===== Падобныя старонкі =====
  * [[творы/пімен-панчанка/пімен-панчанка-сармацкае-кадзіла-гдз]]
  * [[творы/пімен-панчанка/пімен-панчанка-вясёлай-маланкаю-ластаўка]]
  * [[творы/пімен-панчанка/пімен-панчанка-зварот]]
  * [[творы/пімен-панчанка/духоўны-свет-лірычнага-героя-ў-паэзіі-пі]]
  * [[творы/пімен-панчанка/пімен-панчанка-сармацкае-кадзіла]]