~~META:
title = Пімен Панчанка — Мала сказаць: ненавіджу...
&keywords = сказаць, біцца, выжыць, салдат, хлуснёй
&abstract = Верш Пімена Панчанкі "Мала сказаць: ненавіджу..."
&iftrue = nan
~~

====== Пімен Панчанка — Мала сказаць: ненавіджу... ======
Мала сказаць: ненавіджу,\\
Мала сказаць: прызнаю.\\
Біцца за праўду – і выжыць,\\
Нібы салдат у баю.\\
\\
Дрэннаму – не пакарыцца,\\
Добрае – не празяваць.\\
З дробнай хлуснёй не мірыцца,\\
З буйнай хлуснёй ваяваць.\\
\\
Гэтым бы і кіравацца...\\
Толькі і зло, і хлусня\\
Хітра маскіравацца\\
Вучацца спрытна штодня.\\
\\
Нехта і подлы, і хіжы\\
Клятву паўторыць тваю:\\
З ворагам біцца – і выжыць,\\
Нібы салдат у баю.\\
\\
1976

 


===== Падобныя старонкі =====
  * [[творы/пімен-панчанка/пімен-панчанка-вясёлай-маланкаю-ластаўка]]
  * [[творы/пімен-панчанка/пімен-панчанка-зварот]]
  * [[творы/пімен-панчанка/духоўны-свет-лірычнага-героя-ў-паэзіі-пі]]
  * [[творы/пімен-панчанка/пімен-панчанка-сармацкае-кадзіла]]
  * [[творы/пімен-панчанка/пімен-панчанка-сармацкае-кадзіла-гдз]]