~~META:
title = Пімен Панчанка — Герой
&keywords = іржавых, косці, калючак
&abstract = Чытаць баладу Пімена Панчанкі "Герой"
&iftrue = nan
~~

====== Пімен Панчанка — Герой ======
Злосна сказаў: «Уставай, пяхота!\\
Мы не на пляжы, а на вайне».\\
І лёг на змяіныя скруткі дроту.\\
І дзвесце салдацкіх запыленых ботаў\\
Прайшлі па яго спіне.\\
\\
Не ён, а другія ішлі ў атаку,\\
Гранаты кідалі ў бліндажы,\\
Калолі фрыцаў, палілі танкі\\
І сцяг перамогі ўзнімалі ранкам\\
На заваёваным рубяжы.\\
\\
А ён свае косці з іржавых калючак\\
Сваімі рукамі без стогну аддзёр,\\
Зваліўся на травы, і стала балюча\\
І травам, і росам, і ветрам гаючым,\\
Што прыляцелі з валдайскіх азёр.\\
\\
1943

 


===== Падобныя старонкі =====
  * [[творы/пімен-панчанка/духоўны-свет-лірычнага-героя-ў-паэзіі-пі]]
  * [[творы/пімен-панчанка/пімен-панчанка-вясёлай-маланкаю-ластаўка]]
  * [[творы/пімен-панчанка/пімен-панчанка-зварот]]
  * [[творы/пімен-панчанка/пімен-панчанка-сармацкае-кадзіла]]
  * [[творы/пімен-панчанка/пімен-панчанка-сармацкае-кадзіла-гдз]]