~~META:
title = Пімен Панчанка — Вясёлай маланкаю ластаўка бліскае…
&keywords = Пімен, Панчанка, маланка
&abstract = Чытаць верш "Вясёлай маланкаю ластаўка бліскае…" Пімена Панчанкі
&iftrue = nan
~~

====== Пімен Панчанка — Вясёлай маланкаю ластаўка бліскае… ======
Вясёлай маланкаю ластаўка бліскае,\\
I просіць засмяглая кнігаўка піць.\\
3 драздом і удодам, заранкай і пліскаю\\
Святлей, чалавечней нам жыць і любіць.\\
\\
А як салаўі працінаюць наскрозь нас,\\
А як перапёлкі у жыце крычаць.\\
А птушкі пяюць то пяшчотна, то грозна,\\
I ў роздуме добра тады памаўчаць.\\
\\
Хто птушку пакрыўдзіць —\\
Той сам сабе здрадзіць.\\
Жыццём і бацькамі завешчана нам:\\
Адкласці ўсе справы вясною, а зладзіць\\
Шпакоўні шпакам, а буслянкі буслам.\\
\\
Патрэбна штодзённая людзям руплівасць\\
I песні, каб лашчыла сонца і слых.\\
Каб дзеці вяліся, каб лад быў шчаслівы,\\
А гэта прыносяць у хаты буслы.

 


===== Падобныя старонкі =====
  * [[творы/янка-брыль/увесь-свет-адзін-дом-па-раману-янкі-брыл]]
  * [[творы/янка-брыль/птушкі-i-гнёзды-гнёзды-за-дымам-аповесць]]
  * [[творы/янка-брыль/раман-янкі-брыля-птушкі-і-гнёзды-вобраз-]]
  * [[ibdc.ped>птушкі-шчасця]]
  * [[творы/янка-брыль/птушкі-i-гнёзды-сцюдзёны-вырай-аповесць-]]