~~META:
title = Пімен Панчанка — Восень
&keywords = Панчанка, восень
&abstract = Чытаць верш "Восень" Пімена Панчанкі
&iftrue = nan
~~

====== Пімен Панчанка — Восень ======
Сляды гарачыні\\
Яшчэ на тварах носім,\\
Ды наплылі ўжо дні\\
У залатую восень.\\
\\
Самотны крык гусей\\
Даносіцца з-пад воблак.\\
Ў асмужанай красе\\
Твой бачу, восень, воблік.\\
\\
Зямлі не адагрэць\\
Агнём ліствы апошняй,\\
I ветру песні пець\\
Над парыжэлай пожняй.\\
\\
У хмарах далячынь,\\
Прасцяг дажджамі повен.\\
Не плавае ўначы\\
Маладзіковы човен.\\
\\
Ды сціхне спеў вятроў,\\
Надвор’е праясніцца, —\\
Зямлі вільготнай зноў\\
Вясновы час прысніцца.\\
\\
Блакіт нябёс тады\\
Празрысты, нібы ў маі.\\
Асеннія сады,\\
Як вогнішча, палаюць.\\
\\
1938

 


===== Падобныя старонкі =====
  * [[творы/пімен-панчанка/пімен-панчанка-сармацкае-кадзіла-гдз]]
  * [[творы/пімен-панчанка/пімен-панчанка-вясёлай-маланкаю-ластаўка]]
  * [[творы/пімен-панчанка/пімен-панчанка-сармацкае-кадзіла]]
  * [[творы/пімен-панчанка/пімен-панчанка-зварот]]
  * [[творы/пімен-панчанка/духоўны-свет-лірычнага-героя-ў-паэзіі-пі]]