~~META:
title = Пімен Панчанка — Асенняя навальніца
&keywords = лісце, нібыта
&abstract = Чытаць верш Пімена Панчанкі "Асенняя навальніца"
&iftrue = nan
~~

====== Пімен Панчанка — Асенняя навальніца ======
Услала пажоўклае лісце дарогі,\\
Буслам ужо Афрыка цёплая сніцца.\\
I раптам прыйшла, прыпазніўшыся трохі,\\
Да нас навальніца.\\
\\
Варочае восень цяжкія грымоты,\\
I паляць маланкі апошні свой порах.\\
А ліўні прыбавілі людзям работы:\\
Купаецца бульба у свежых разорах.\\
\\
Чаму страпянуліся ўсе мы так рэзка,\\
Нібыта з нас кожны вярнуўся кудысьці...\\
А хмары ўзрываюцца з гулам і трэскам,\\
I долу ляціць абгарэлае лісце.\\
\\
Няўжо пераблытала нешта прырода?\\
Такая нязвыкласць у гэтым вяртанні,\\
Нібыта з далёкага нейкага года\\
Прыслала табе маладосць прывітанне.

 


===== Падобныя старонкі =====
  * [[творы/пімен-панчанка/пімен-панчанка-сармацкае-кадзіла]]
  * [[творы/пімен-панчанка/пімен-панчанка-вясёлай-маланкаю-ластаўка]]
  * [[творы/пімен-панчанка/пімен-панчанка-сармацкае-кадзіла-гдз]]
  * [[творы/пімен-панчанка/пімен-панчанка-зварот]]
  * [[творы/пімен-панчанка/духоўны-свет-лірычнага-героя-ў-паэзіі-пі]]